Quelle: Budge, E. A. W. (Ed.). (1898). ⲡϫⲱⲱⲙⲉ ⲛ ⲛⲉⲯⲁⲗⲙⲟⲥ, The earliest known Coptic Psalter. London: K. Paul, Trench, Trübner.
ⲛⲁⲓⲁⲧϥ ⲙ ⲡⲣⲱⲙⲉ ⲉⲧⲉ ⲙⲡⲉϥⲃⲱⲕ ϩⲙ ⲡϣⲟϫⲛⲉ ⲛ ⲛⲁⲥⲉⲃⲏⲥ
ⲉ-ⲙⲡⲉϥⲁϩⲉⲣⲁⲧϥ ϩⲓ ⲧⲉϩⲓⲏ ⲛ ⲛⲣⲉϥⲣ-ⲛⲟⲃⲉ
ⲉ-ⲙⲡⲉϥϩⲙⲟⲟⲥ ϩⲓ ⲧⲕⲁⲑⲉⲇⲣⲁ ⲛ ⲛⲗⲟⲓⲙⲟⲥ.
ⲁⲗⲗⲁ ⲉⲣⲉ-ⲡⲉϥⲟⲩⲱϣ ϣⲟⲟⲡ ϩⲙ ⲡⲛⲟⲙⲟⲥ ⲙ ⲡϫⲟⲉⲓⲥ
ⲁⲩⲱ ϥⲛⲁⲙⲉⲗⲉⲧⲁⲛ ⲙ ⲡⲉϥⲛⲟⲙⲟⲥ ⲙ ⲡⲉϩⲟⲟⲩ ⲙⲛ ⲧⲉⲩϣⲏ.
ϥⲛⲁⲣ-ⲑⲉ ⲙ ⲡϣⲏⲛ ⲉⲧⲣⲏⲧ ϩⲓϫⲛ ⲙⲙⲁ ⲛ ϩⲁⲧⲉ ⲙ ⲙⲟⲟⲩ.
ⲡⲁⲓ ⲉⲧⲛⲁϯ ⲙ ⲡⲉϥⲕⲁⲣⲡⲟⲥ ϩⲙ ⲡⲉϥⲟⲩⲟⲉⲓϣ
ⲉ-ⲛⲛⲉϥϭⲱⲱⲃⲉ ⲛⲁⲥⲣⲟϥⲣⲉϥ ⲁⲛ,
ϩⲱⲃ ⲛⲓⲙ ⲉⲧϥⲛⲁⲁⲁⲩ ⲛⲁⲥⲟⲟⲩⲧⲛ.
ⲛ ⲧⲁⲓ ⲁⲛ ⲧⲉ ⲑⲉ ⲛ ⲛⲁⲥⲉⲃⲏⲥ,
ⲛ ⲧⲁⲓ ⲁⲛ ⲧⲉ ⲑⲉ,
ⲁⲗⲗⲁ ⲉⲩⲛⲁⲣ-ⲑⲉ ⲙ ⲡϣⲟⲉⲓϣ
ⲉ-ϣⲁⲣⲉ-ⲡⲧⲏⲩ ⲑⲗⲟϥ ⲉⲃⲟⲗ ϩⲓϫⲙ ⲡϩⲟ ⲙ ⲡⲕⲁϩ.
ⲉⲧⲃⲉ ⲡⲁⲓ ⲙⲛ-ⲁⲥⲉⲃⲏⲥ ⲛⲁⲧⲱⲟⲩⲛ ϩⲛ ⲧⲉⲕⲣⲓⲥⲓⲥ
ⲟⲩⲇⲉ ⲣⲉϥⲣ-ⲛⲟⲃⲉ ϩⲛ ⲧⲥⲩⲛⲁⲅⲱⲅⲏ ⲛ ⲛⲇⲓⲕⲁⲓⲟⲥ,
ϫⲉ ⲡϫⲟⲉⲓⲥ ⲥⲟⲟⲩⲛ ⲛ ⲧⲉϩⲓⲏ ⲛ ⲛⲇⲓⲕⲁⲓⲟⲥ,
ⲧⲉϩⲓⲏ ⲇⲉ ⲛ ⲛⲁⲥⲉⲃⲏⲥ ⲛⲁϩⲉ ⲉⲃⲟⲗ.
Glückselig der Mann, der nicht wandelt im Rat der Gottlosen
und nicht steht auf dem Weg der Sünder
und nicht sitzt auf dem Sitz der Spötter,
sondern seine Lust hat am Gesetz des HERRN
und über sein Gesetz sinnt Tag und Nacht!
Und er ist wie ein Baum, gepflanzt an Wasserbächen,
der seine Frucht bringt zu seiner Zeit
und dessen Blatt nicht verwelkt;
und alles, was er tut, gelingt.
Nicht so die Gottlosen,
sondern sie sind wie die Spreu,
die der Wind dahintreibt.
Darum werden die Gottlosen nicht bestehen im Gericht,
noch die Sünder in der Gemeinde der Gerechten.
Denn der HERR kennt den Weg der Gerechten;
aber der Weg der Gottlosen wird vergehen.
